70後物理治療師創業 年賺二千萬

世界上有一個行業,無論順境抑或逆市,永遠都不愁冇錢賺,所講就是健康產業。現實點講,環境好時人人大魚大肉,食得太好對身子就未必好;市道差時大家都要捱騾仔,OT太多或望住個市橫行或向下都分分鐘屈到病。屬於70後的盧嘉禮Gary,早於09年健康風潮開始吹入香港時,展開自己的健康事業版圖,分別為醫療機構提供專業治療復康服務,以及為企業搞活動推廣健康資訊,實行niche及mass 兩個市場同時並行,目前公司年賺二千萬,所以話在經濟學上,健康從來都是無價,因為確是錢途無限。

Gary同時身兼邁奧健康互動有限公司(MyoFix)創辦人兼行政總裁 近年好多年青人都話睇唔到出路,原來Gary的創業故事就是源於當年科網股爆破同沙士後市道蕭條的啟發。「我本身是物理治療師,2000年畢業時剛遇上科網股爆破,本身諗住入醫管局工作,但當時市道唔好,cut晒headcount,唯有到一些安老院及其他私人機構搵工;本身希望有機會慢慢再轉去做政府工,點知之後沙士令整體就業環境更差!結果做多兩年,我便決定辭職。」當時Gary辭職,並非是搵到另一份工,而是因為看不到前路,希望放長假想清楚自己應該點行。「果時曾諗過轉行,但讀專科可以點轉行?除了做健康醫療行業我也想不到其他出路,於是就唯有part time接一些治療及護理工作,慢慢地這些工作愈接愈多,有時甚至多jobs到接不了,唯有再搵人幫手;後來我發現,這是由於市場上很缺乏物理治療師這類醫護人員,於是在09年我便決定立自己的公司。」

(未完) 此文章已收錄於《Startup Bible創業人聖經》,如要閱讀全文,請前往此處購買,謝謝!

New Articles

© 2020 BizHK創業人誌 ALL RIGHTS RESERVED