80後創業宣言：為世界帶來改變

問你點解要創業，除左「唔想打工」、「想發達」之外，相信有唔少人的答案是「改變世界」。剛獲得E2 2016金獎的Denis，畢業後曾做過engineer，但最後都係選擇創業。「我始終都係想用科技去幫有需要嘅人改善生活。」他今次獲獎的發明，就是一個穿戴式機械手臂，主要對象就是一班柏金遜患者。「我89歲的爺爺患有嚴重柏金遜症，30年來無法自理正常生活，就連食飯同拎起個杯飲水都唔可以，所以我希望透過呢項發明，可以幫到爺爺完成喝水、吃飯等簡單動作。不過，我更希望可以幫到更多患者，幫他們自理生活，甚至讓他們重投社會。」或者，就如Denis所講，可以做到social impact，其實先至係創業的本義。

MedEXO Robotics創辦人兼行政總裁Denis Huen，他右手戴上其發明穿戴式機械手臂。

自少已對機械人著迷的Denis，中學時期以來已設計了多項機械手腳，可說是獲獎無數，今次得獎的穿戴式機械手臂，其理念簡單講就是觸發患者體內的壓制控制系統，減少患者的顫抖並提升自發運動，根據他們測算，通過機械手臂可以抑制住70%以上的不自覺抖震。至於點解會選擇栢金遜症患者為主要對象，Denis話除了是受到爺爺病患的啟發，更重要是這個病患其實破壞了很多家庭。「柏金遜症患者不能自理生活，一些嚴重病患者根本無法工作，需要家人全天候照顧，加上傳統醫療又貴，經濟上其實係好大負擔。所以，我好想透過呢個發明，真正幫到病患者自理生活，甚至重投社會工作，如果可以做到咁樣，對於病患者家人而言，無論在心理抑或經濟上，都能大大減輕負擔，家庭關係可以更見和諧，而這個亦是我希望做到的social impact。」

（未完） 此文章已收錄於《Startup Bible創業人聖經》，如要閱讀全文，請前往此處購買，謝謝