華衣背後的創業夢

做女人，難；但做女強人，更難。既要打得又要睇得，出席每個商務場合既要配合dress code，但又怕撞衫！女士禮服晚裝租賃店舖創辦人Fion，就是睇準這個商機，於去年3月與兩位友人自掏荷包投資過百萬開業，主打專業女性市場，開業不到一年，雖未完全回本，但已能做到日常收支平衡。「我們定位是相宜價錢但優質服務，在人人講O2O平台年代，我們就先以實體店體驗式服務做切入點，因為服飾著得好唔好得，是講實際體驗，而非隔著個MON就能真切感受出來。」

Chandelier創辦人兼董事總經理Fion Li

不少從事零售或服務的創業人，都強調「用家體驗」，Fion的創業念頭，也是源於自身體驗。「出來工作，經常有機會去不同場合，所謂『人靠衣裝』，買衫真係好令人煩惱，無論你買件衫幾貴，好多時都係著得幾次，有時愈高級的晚裝，更往往在fb『打卡』一次就唔會再著，其實好浪費；所以今年年頭就與兩位朋友構想，不如開間女士禮服晚裝租賃店舖，如是者就展開了業務。」她坦言，在開業之初，她們入了不同款式的晚裝，只是後來漸漸發覺原來30至40多歲的事業型女性對晚裝的要求是「莊重得來要有青春氣息」，探索市場之旅可說是摸著石頭過河。

（未完） 此文章已收錄於《Startup Bible創業人聖經》，如要閱讀全文，請前往此處購買，謝謝