主廚宣言：煮野好食都要有人識

今時今日，做廚的形象已升格至藝術家層面，就如《食神》都講過：「佢可以將神賜俾人類嘅火運用得出神入化，煮出堪稱火之藝術嘅超級菜式！」Dion Liu，一個近年獲獎無數的新一代主廚，他開過餐廳將高級米芝蓮菜式平民化、亦曾轉戰樓上舖做私房菜，最近更以自己名義開設真空處理包裝食材系列，並成為不少餐廳的顧問。生意範疇之所以百足咁多爪，就是因為飲食界的事都被他看透了：「做飲食，如果煮野好食但冇人識，結果都係唔掂。」

AGE Group創辦人之一Dion Liu

大家睇《我要做廚神》，每名參賽者都試過比Gordon Ramsay鬧到飛起，就知道chef之路從來不易行，Dion曾經都跟過米芝蓮三星大廚學藝，之所以出來創業，原因就是太地獄。「由於受到開酒樓的舅父的薰陶，我從小已立志從事飲食業，長大後發覺做西廚很『型』，所以10年前就開始跟一個米芝蓮三星大廚學藝，無錯過程中係學到好多高級烹飪技巧，但同時亦好多人事politics，感覺真係一個『地獄廚房』。」後來，友人提議不如自己搞生意，Dion便於北角開設自己餐廳，更是打正旗號將三星米芝蓮Dinning平民化，並以自己的得獎作品做招牌菜，結果一年就回本。

（未完） 此文章已收錄於《Startup Bible創業人聖經》，如要閱讀全文，請前往此處購買，謝謝