創業啟示錄：創業要借力

問你創業最緊要乜野？Think Big？唔……有諗頭都要有執行力。錢？都係，但好多時大家都識答「哪有錢？！」其實，創業就係要有步署，要懂得借力。榴槤BB創辦人袁家駒 (KK)之前曾經創業兩次，從網上書店到網購榴槤，他話創業最緊要識借力，即係互相幫忙，透過cross over衍生更多商機。事實上，在成立榴槤BB之前，KK本身已是擁有好多專頁，從旅遊、飲食到投資都有，他就話這些專頁fans就是今日的database，所以網購榴槤業務成立雖然未夠一年，但生意已愈做愈大，連台灣、新加坡商家都搵他合作，所以話，呢個年代「網上一個like，台下十年功」其實係大有道理。

榴槤BB創辦人袁家駒 (KK)

對於今日新一代，好多人讀緊書都已諗緊點創業，其實KK都是一樣，畢業前其實一直都做緊同網上平台有關的創業。「我本身是讀Bio出身的，但在大學讀書期間便已開始做生意， 第一個生意是經營search engine，之後我亦有經營網上書店，或者咁講，由於我一直對網上生意是比較有興趣的，所以現在的生意都是做相關的網購生意。」那甚麼才是令他第三次創業的契機？「經過兩次創業後，我再次回到職場負責網上行銷及Fb專頁管理的工作，並將當時fans由數千攀升至十多萬。可以說，這次回歸職場讓我發現知道網絡宣傳的發展潛力，所以我在工餘時也開始建立了數個專頁儲Fans，以備日後再創業之用。」點解最後又鎖定網購榴槤做目標？ 「其實都是機緣巧合。我一次到馬來西亞旅行時，我將一段打開貓山王榴槤整個過程的短片分享到網上，估唔到會引起極大的迴響，甚至吸引千人俾like，由此我就知道，網購馬拉榴槤就是市場切入點了。」

（未完） 此文章已收錄於《Startup Bible創業人聖經》，如要閱讀全文，請前往此處購買，謝謝